jueves, 28 de diciembre de 2017

PROGRAMANDO SCRATCH

Un punto máis de dificultade. A medida que vamos collendo mazás, que o dragón aumente a velocidade. Teremos que ir á programación do dragón, e dicirlle que en lugar de "mover 1 paso", se mova "1 + algo en relación coas mazás recollidas". Seredes quen de programalo? E despois....

Cantas mazás sodes capaces de tocar?
(poñede en pantalla completa para mover mellor ao gatiño)

Que, como foi a cousa?
Deixovos enlace a dous vídeos cos que seguindo as instrucións, seguro que conseguides facer a programación do xogo:

martes, 26 de diciembre de 2017

O CABALIÑO DE MAR

Sabíades qué é o macho do cabaliño de mar quen ten as crías???

Sabíades qué os cabaliños de mar non teñen estómago??? 



Sabíades qué os cabaliños de mar poden cambiar de cor???


Saberíades dicirme cantas veces axitan a súa aleta dorsal nun segundo (os cabaliños de mar)??? 


MARA 6ºA 

viernes, 22 de diciembre de 2017

BOAS FESTAS CON SCRATCH

Tamén con Scratch, queremos felicitar a todos os que comparten con nós: Tempo, espazos, alegrías, tristuras, xogos, debates, actividades, ..... e moito maís.
FELICES FESTAS!!!!
(Se conseguides facer outra postal, subídea a scratch e subímola ao blog.)
Os nosos mellores desexos para tod@s!

miércoles, 20 de diciembre de 2017

MONTAXE MBOT

Bueno, para empezar cos nosos robots, teremos que, primeiro de nada, montalos, non si?

Dentro da caixa temos un libriño de instrucións moi preciso, paso a paso. De tódolos xeitos aquí vos quedan primeiro, un enlace onde se ve tamén paso a paso a montaxe e logo un vídeo onde un alumno monta o robotiño.
Pois, ao ataque!!!




E os nosos robots, unha vez montados, que programa traen por defecto?
 Esquivaobstáculos, siguelíneas, ...?

Agora haberá que aprender a utilizar o programa "mBlock". Como nós xa temos experiencia con "Scratch", temos un pouquiño de ventaxa, pois está baseado nel. Déixovos tamén enlace á páxina para descargalo.

Bueno, e que vos pareceu o noso robotiño? Credes que poderemos crear algo orixinal con el? Algunha idea....?

domingo, 17 de diciembre de 2017

O LINCE IBÉRICO

NOME CIENTÍFICO:
O nome científico do lince ibérico é Lynx Pardinus.
VÍAS DE EXTINCIÓN:
O lince ibérico está en grave perigo de extinción por culpa dos seres humanos:
  • Os atropelos cando están en migración. 
  • A desaparición do seu alimento, o coello europeo, xa que este coello brindaba a maior parte da alimentación ao lince, a súa case desparición está levando ao lince á extinción. 
  • Ademáis, a destrución do seu hábitat fai desaparecer os refuxios dos linces, aparte dos seus fogares.
  • A caza indiscriminada do lince co fin de apropiarse da súa pel.



CLASIFICACIÓN:
O lince ibérico é unha especie de mamífero carnívoro da familia Felidae, endémico da Península Ibérica.
MODO DE VIDA:
Na maioría dos casos o lince ibérico vive de maneira solitaria e nómada e é moi territorial, mostrándose máis sociable na época de celo. É un áxil cazador. Aproxímase sixilosamente á presa e salta sobre ela con rapidez. Outras veces espera oculto a que pase unha presa.
HÁBITAT:
O lince ibérico atópase exlusivamente en zonas restrinxidas de España e Portugal.
O hábitat principal constitúeno as áreas de bosque mediterráneo ben conservadas e ailladas da actividade humana.
O tamaño do terrritorio está condicionado pola abundancia de presas. Dentro deste territorio existen distintas zonas vitales como o monte baixo para o descanso e as zonas de campeo onde o lince estará activo e que coinciden coa máxima densidade de coellos.
Actualmente os núcleos mellor conservados limítanse a: Serra Morena Oriental, Montes de Toledo Orientales e Doñana.

Sabedes cantos especímenes quedan hoxe en día en liberdade?

viernes, 15 de diciembre de 2017

O COELLO

O coello común ou coello europeo é unha especie de mamífero lagomorfo da familia leporidae e é o único membro  actual do xénero Oryctolagus.


Reino:    Animalia
Clase:     Mammalia
Orden:   Lagomorpha
Familia:   Leporidae

Características: Caracterízase por ter un corpo cuberto dunha pelaxe espesa e lanuda, de cor parda pálida a gris, cabeza ovalada e ollos grandes. Pesa entre 1,5 e 2,5 kg en estado salvaxe. Ten orellas largas de ata 7 cm as cales lle axudan a regular a súa temperatura do corpo e unha cola moi curta. Mide de 33 cm ata 55 cm. Os machos teñen a cabeza máis ancha cas femias.

Alimentación: O coello pasa longas horas removendo as mandíbulas de dereita a esquerda. Un coello adulto consume de 200 a 500 gr de plantas ó día.

Distribución: Era abundante no Paleolítico, a xulgar polos restos descubertos na Península Ibérica.

Hábitat: Viven en áreas secas próximas ao nivel do mar cun chan areento e blando para facilitar a construción de guaridas. Habitan en bosques aínda que prefiren campos extensos cubertos por matorrais onde poden esconderse.
                                                           LUCÍA CASAL E RAÚL

Sabiades que existe unha raza de coello chamada "Zorro Suizo"?

miércoles, 13 de diciembre de 2017

O GATO

O gato é un animal doméstico que pesa sobre 5kg e mide sobre 80 cm. Pertence á familia dos felinos e é mamífero. 
Para camiñar apoian o peso do seu corpo nos dedos en vez das patas para non facer ruído e cazar as súas presas. Os gatos son uns grandes cazadores de ratos debido a súa habilidade e axilidade aínda que son moi dormilóns.

Poseen unha visión excelente, a cal lles permite cazar tanto de día como de noite e poden escoitar un rato a sete metros de distancia. Son moi limpos e responsables á hora de facer as súas necesidades. Pódese dicir que son moi amigables con outros gatos ou cos seres humanos.
Para crecer sans deben comer os nutrientes que necesitan (proteinas e graxas de orixe animal ) e a taurina, un aminoácido especial. Os gatos de rúa aliméntanse das súas presas e os de casa poden alimentarse de comida enlatada, piensos ou comidas feitas polos seus donos.
Un gato normalmente vive sobre 12 ou 15 anos.
Paula e Lucía

Sabiades que na cultura exipcia, os gatos eran animais sagrados? 

E sabedes por que???

domingo, 10 de diciembre de 2017

CHARLA DIVERSIDADE AFECTIVO SEXUAL E IDENTIDADE DE XÉNERO


Montse e Raquel da asociación "Nós mesmas" puxéronnos este vídeo e falaron con nós sobre esta realidade  existente na nosa  sociedade.
Todos deberiamos ter dereito:
A ser escoitados.....
A ser respetados ....
A poder opinar ....
A poder pensar ....
A poder sentir ........................
.... E podelo expresar sen medo.
Queredes vós compartir algún sentimento, opinión, pensamento, ...?

viernes, 8 de diciembre de 2017

CHARLA COMPOSTAXE


Esto foi o que máis claro nos quedou na charla sobre compostaxe do luns a cargo de Xesús, o técnico de control do Medio Ambiente do Concello de Redondela: As tres "R", e que o máis importante seguramente é "REDUCIR". Pero tamén: Ollo cos aceites¡¡¡¡, ollo co lixo orgánico¡¡¡¡, ... Vede o seguinte vídeo para coñecer as ventaxes de facer compostaxe.




E agora a xogar....
Compostaxe doméstica: Experiencia Stop Motion: con este xogo, os usuarios teñen a oportunidade de construir unha historia vinculada á compostaxe doméstica e elaborar o seu propio vídeo, utilizando para isto os recursos ofertados (elementos, obxectos, personaxes e situación que formarán parte do mesmo). O obxectivo último da aplicación é coñecer as vantaxes medioambientais, económicas e sociais da autocompostaxe.
(Clica na imaxe para poder xogar)
Quedouvos chulo o corto? 

miércoles, 6 de diciembre de 2017

A VOLTAS CON "SCRATCH"

Vistes onte o Doodle de Google
50 anos da primeira linguaxe de programación para nen@s. Xogastes? Programastes?
Nós facemos o mesmo con Scratch, esa linguaxe de programación por bloques.
Pero, ... Que é Scratch?

Estamos a dar algúns pequenos pasos con esta linguaxe e puidemos comprobar a cantidade de posibilidades que ten. De feito estamos a crear un pequeno xogo. Xa conseguimos programar o gatiño, o dragón, os escenarios, ... Agora faltarianos coller algo de vida e un pequeno marcador.
Seredes quen de facelo? 
Recordade que para o marcador, unha vez teñades programado o toque da mazá polo gato, necesitamos crear unha variable no apartado de datos.

Máis ou menos quedaría así (dependendo das personaxes, escenarios, ...).... Poñede en pantalla completa para poder xogar con soltura.
 Seredes quen de coller 20 mazás antes de que o dragón vos pille?


Conseguístelo??????

martes, 5 de diciembre de 2017

O CAN

O can doméstico é un mamífero carnívoro que  se integra dentro da familia CANIDAE. Son animais veloces e resistentes, o can doméstico é unha subespecie de lobo, na antigüidade e agora é utilizado como axundante de caza ou para realizar labores de defensa e garda. 
Os cans comunícanse de moi diversas maneiras, con restos de orina a modo de marcaxe, unha comunicación olorosa para defender o seu territorio. 
Nos cans o sentido do gusto está menos desenvolto que nos humanos, de feito non distinguen o sabor salgado. Teñen boas facultades para visualizar obxectos en movemento e ver na escuridade.
Nós temos cans, eu (Valentina) teño dous cans, Chester e Murfi. Non coñezo a súa raza, os encontrei ao lado dun contenedor abandonados con dúas das súas irmás.

O meu can (Carla) chamase Toby, a súa raza e Bichón Maltés. É un cachorro, o que máis lle gusta é xogar co seu boneco Benny. Unha curiosidade é que cando lle pos unha cantiga moderna empeza a moverse e a poñerse nervioso.
Carla e Valentina

E vós, Tedes mascota? Tedes algún canciño? De que raza é? Que curiosidade nos podedes contar sobre el/ela?

domingo, 3 de diciembre de 2017

SEGUINDO COA XEOGRAFÍA

Agora toca Europa: relevo, hidrografía, medio ambiente, ...

Ide poñéndovos as pilas con estos XOGOS en mapa.



Que é o que máis vos gusta da Xeografía??
Ánimo! Xa queda menos!

viernes, 1 de diciembre de 2017

O CHOCO

Nome científico: Sepia officinalis
CLASIFICACIÓN CIENTÍFICA:
1.Reino: Animalia
2. Filo:  Mollusca
3.Clase: Cephalopoda
4. Orde: Sepiidae
5.Xénero: Sepia


O Choco xeralmente vive nas algas e augas pouco profundas. Ten un corpo ancho, oval e aplanado de ata 30-40 cm de lonxitude. Ten dúas expansións laterais a modo de aletas, na zona dorsal un lóbulo triangular, obtuso, que avanza entre os ollos.
Tamén se lle coñece cos nomes de Sepia, Jivia, Cachón. A súa cuncha é reducida e queda oculta sobre a parte dorsal do corpo, cuberta polos pregos laterais.
Desprázase cos pregos ou enerxía reactiva (expulsando aire polo tubo do embude) tamén para a fuxida rápida. Ten un pico triturador para comer pequenos moluscos, caranguexos, camaróns, peixes e outros animaliños pequenos. E outras veces empregan o seu pico como defensa. O seu tempo de vida e de 1 e 2 anos.
O Choco pode cambiar de cor, para facelo ten tres células que utilizan o reflexo da luz para cambiar de cor. Este cambio o fan en dous segundos.


HUGO E LUCAS

E vós, ... Coñecedes algunha curiosidade deste extraordinario animal?

miércoles, 29 de noviembre de 2017

CONECTO CO RELEVO

O noso gran proxecto neste primeiro trimestre xiraba ao redor da xeografía: O relevo de España. Fixemos unha maqueta de España, onde puxemos algúns elementos do relevo: ríos, picos, sistemas montañosos, ... Algúns de nós o fixemos con plasti e tridimensional, outros a modo de circuito eléctrico. 
Unha chulada!
E logo de facelas, quixemos xogar con elas e compartilas con outros nen@s do centro. Podedes velo no vídeo.
Unha experiencia alucinante!


Alumn@s de 6ºA

domingo, 26 de noviembre de 2017

DOCUMENTÁNDONOS SOBRE O RAPOSO

Xa vedes que falamos moito sobre o raposo. É o animal da nosa aula este ano. Estamos a elaborar un pequeno mural sobre esta especie e topamos unha páxina con moitísima información: Zorropedia. (Lucía C.: "... buscando fábulas nas que houbese raposos, atopei esta páxina tan interesante.")
Colocamos unha ligazón no lateral, na sección de información para que poidades visitala. Poderedes coñecer máis de cerca este precioso e incrible animal: As súas características, alimentación, reprodución, distintas especies, ... e moito máis.

Seguro que sabedes que históricamente o zorro asóciase á idea de "Astucia". Pero,...
Coñecedes algunha fábula, conto, poema, ... no que o raposo sexa o protagonista??



viernes, 24 de noviembre de 2017

O MORCEGO

O morcego é un deses animais que nos regala a natureza, xa que é o único mamífero capaz de voar. 

E a que non sabedes cal é o mamífero máis pequeno do mundo? O morcego abellón de Tailandia, que pesa menos que unha moeda de centavo americano.

miércoles, 22 de noviembre de 2017

PÍNTEGAS e a súa curiosa REPRODUCIÓN

Un día destos, falando dos anfibios saiu o tema da reprodución das píntegas: ovíparas, vivíparas, ...????
Buscade no seguinte enlace e contádenos!!!!

E logo podedes ver este incrible vídeo:

domingo, 19 de noviembre de 2017

O REINO DOS ANIMAIS

Que podemos clasificar en función da súa estructura, en ......
-ANIMAIS VERTEBRADOS

-ANIMAIS INVERTEBRADOS
Clica nas imaxes, pon en pantalla completa, e ... a aprender xogando!!!!

Outros xogos:


jueves, 16 de noviembre de 2017

O CARACOL

O caracol é un molusco que ten cuncha espiral. Existen caracois de auga e de terra. O da terra vive nos bosques, cerca dos ríos. Móvese como os vermes. Aliméntanse de prantas. Cando se ve en perigo escóndese dentro da súa concha. Mide entre 15 e 30 cm, e pesa ata 600 gr. Cando o caracol crece, tamén o fai a súa cuncha. Os caracois son machos e femias ao mesmo tempo. Pon ata 100 ovos. Pode vivir ata 7 anos.
Moitos agricultores, protestan de que lle comen as súas verduras.
É orixinario de Europa, pero vive en moitas zonas. En época de sequía métese dentro da cuncha e encérrase elaborando un tapón a base de moco seco, chamado "epifragma".
Tamén podemos dicir que é un produto de altísima calidade na cociña á hora de comelo... e moi sano!!!    

Sabedes cantas especies de caracois existen?

DE: ANTÍA E IVÁN

martes, 14 de noviembre de 2017

LOBO IBÉRICO

Hoxe imos falar sobre o lobo ibérico que é o noso animal favorito e  un gran cazador en manada.
lobo ibérico (Canis lupus signatus) é unha subespecie de lobo (canis lupus) autóctona da Península Ibérica.
Aspecto
O seu tamaño é medio, algo máis pequeno que outros lobos europeos. De longo miden dende 130 ata 180 cm os machos, e dende 130 ata 160 cm as femias. A altura de cruz pode chegar aos 70 cm. Os machos adultos pesan xeralmente entre 30 e 40 kg, e as femias pesan de 20 a 35 kg.
Presentan testa grande e maciza, orellas triangulares relativamente pequenas e ollos oblicuos de cor amarelenta. O fociño presenta unhas manchas brancas nos belfos denominadas bigoteiras. A súa pelaxe é heteroxénea, de tal xeito que se describen unhas franxas lonxitudinais escuras ou negras cubrindo a parte anterior das súas dúas patas dianteiras, unha mancha escura ao longo da cola, e outra mancha escura ao redor da cruz á que se lle coñece como cadeira de montar. Os lobatos ao nacer presentan tons escuros uniformes.
Dieta

O lobo ibérico é un dos poucos grandes carnívoros que existen na península ibérica, e como depredador, aliméntase básicamente das presas que caza, grandes herbívoros e outros mamíferos de porte menor. O doutor Félix Rodríguez de la Fuente, realizou diferentes estudos para concretar a dieta do lobo ibérico, e segundo os resultados extraídos, esta podería estar composta por: grandes mamíferos (como corzos, muflóns, cervos ...) nun 35%, ovellas nun 24%, coellos nun 14%, ratos de campo nun 9%, prea nun 7%, réptiles e aves nun 5%, insectos e vexetais nun 4%, e outros carnívoros (coma raposos ou cans) nun 2%.

Fonte búsqueda: Galipedia

Antigamente, na nosa zona era habitual atopar lobos polo monte, pero, hoxe en día xa non os vemos tanto debido á persecución e caza indiscriminada deste animal, na crenza de que atacaba ao ser humano.
Anxo e Izan


domingo, 12 de noviembre de 2017

EDAR: MISIÓN DEPURACIÓN!!!!!



Traballando cos distintos Reinos de Seres Vivos, aprendimos moitas cousas realmente sorprendentes de algúns seres tan minúsculos: 
- A relevancia das bacterias, protozoos, fungos, ... na elaboración de alimentos, antibióticos, ...
- A importancia de reciclar as augas residuais, os seus procesos e distintos elementos que se utilizan, como as bacterias para a súa depuración.

Recentes estudos e investigacións na Universidade de Jaén, confirman que a bacteria Klebsiella contribúe á descontaminación das augas, gracias a que asimila metales pesados como a plata e o plomo.(El espectador- 29/6/17)

E vós, coñecedes algún outro sorprendente beneficio de estos seres microscópicos? (moneras, protoctistas, ...)

jueves, 9 de noviembre de 2017

SAÍDA Á FEIXA

Prestastes atención????

Que outros datos coñecedes sobre as árbores, arbustos, plantas, animais, rochas,... da beira dos ríos?

Na nosa saída topamos algunhas cousiñas moi interesantes, para as que había que estar moi atento, ou podían pasar desapercibidas... Mirade o que atoparon estos incribles "exploradores". Prestade atención ou non a vedes.

miércoles, 1 de noviembre de 2017

REINO ANIMAL: O RAPOSO

A wikipedia fálanos do raposo:
Os vulpinos (Vulpini) son unha tribu de mamíferos carnívoros incluidos na familia dos canidos. Coñécense comunmente como raposo ou raposa. Actualmente están representados por unhas 27 especies que se atopan en casi todos os continentes, aínda que a máis extendida é o raposo vermello ou raposo común que habita en Europa e America do Norte . A maioría viven entre 5 e 7 anos en liberdade , pero poden chegar aos 12 anos , ou incluso sobrepasar esa idade en cautiverio.
Os seus rasgos tipicos son un fino fuciño e unha espesa cola . Son solitarios cazando a súa presa (especialmente aos roedores). A súa pel é moi preciada en peletería.

Sheyla e David
Pero, seguro que hai un montón de datos moi interesantes sobre este fermoso animal que todavía non sabemos. Seredes quen de atopar algunha desa información?

Aquí vos queda un pequeno vídeo (extraído dun documental da BBC) dun raposo pescando:

viernes, 27 de octubre de 2017

PROXECTO ROBÓTICA

Concedéronnos o proxecto ...
"Introdución á Robótica educativa en Primaria"!!!!!!
FANTÁSTICO!
Somos un dos 120 centros en toda Galicia ao que nos conceden o proxecto. Podemos considerarnos afortunados. 

E claro, ademais de toda a formación  que algúns profes xa viñamos facendo, hai que poñerse ao día non só co material que nos vai a mandar a Xunta, senón tamén cos últimos avances nestos temas: programación, gamificación, competencias stem, .... 

Pois algúns mestres do centro fomos este pasado fin de semana, venres e sábado ata Coruña a que nos contaran as últimas novidades en robótica educativa, e o mércores, convocáronnos dende a xunta, para a presentación do programa e dos materiais que nos enviarán e cos que traballaremos polo feito de participar.

Incrible!!!!! Canto aprendemos!, e sobre todo, que pracer ver a nenos de 9, 10 e 11 anos, construindo, programando e explicándonos, a nós os mestres, con toda a soltura do mundo, o traballo que viñan desenvolvendo co material robótico.



Agora tócanos a nós!!!!!
Novas ao redor do proxecto:
La voz de Galicia (20/01/17)
Faro de Vigo (13/06/17)
Comarcasnarede (07/10/17)

domingo, 22 de octubre de 2017

VISITA RÍO ALVEDOSA

O pasado martes 17 de outubro saímos de visita ao río Alvedosa. Observamos a flora e a fauna local da ribeira do río: árbores, arbustos, plantas, animaliños, rochas, auga, .... e por desgraza tamén o lixo.
Fixemos todo tipo de recollida de mostras, coas que agora temos que traballar; identificamos especies da vexetación da zona; e localizamos algunha que outra especie invasora.
Foi unha saída moi produtiva!!!
Seredes quen de identificalas tamén nas fotos?








Seguro que o conseguides....!!!

martes, 17 de octubre de 2017

FLORA E FAUNA DOS RÍOS GALEGOS

Traballando ao redor dos ecosistemas dos ríos, dámonos conta de que descoñecemos os elementos que os compoñen e rodean: Aves, insectos, peixes, anfibios, ...; árbores, arbustos, prantas, ... ; ... 
Aquí vos quedan dous enlaces onde poder consultar algúns destos seres vivos cos que convivimos máis do que cremos e que por desgraza son uns auténticos descoñecidos.


As follas dunha destas árbores de primeira liña dos ríos galegos, eran utilizadas polos peregrinos para calmar a dor dos pes, as chagas, as feridas, ... 
Saberedes de que árbore falamos?

sábado, 14 de octubre de 2017

REINO ANIMAL: A nosa mascota

Fai uns días na clase, en relación co tema deste curso (O Reino Animal), estivemos a falar sobre ter unha mascota na aula. Finalmente pensamos que unha boa opción sería un peixiño. O noso compañeiro Lucas ofreceuse a traer un Betta Splendens, tamén coñecido como "o luchador de Siam". De entre varios nomes, decidimos chamarlle "Jimmy". 


Agora temos que organizarnos para coidar del, que esté o mellor atendido posible e sinta, se é posible, o noso cariño. De inicio, vimos que tiña pouco espazo e unha compañeira, Valentina, ofreceuse a traer un acuario maior. Cada mañá os encargados danlle de comer, e cada 10-15 días temos que cambiarlle a auga.

Veremos como lle vai ao noso amiguiño, pois é un peixe de augas cálidas, de entre 24 e 30 ºC, e cando nós marchamos da aula, a temperatura baixa lixeiramente.
Paula, Lucía e Mara

Bueno, e que outros datos coñecedes dos "bettas"? Sabedes de onde son orixinarios?

martes, 10 de octubre de 2017

SALICORNIA 2

Salicornia: Planta carnosa ou suculenta, tamén chamada planta de San Pedro, espárrago de mar ou herba salgada. Crece en zonas salgadas como as salinas. Obtense cinza de sosa (carbonato de sodio- Na2CO3) o que a fai interesante para a fabricación de produtos como o xabón e o vidrio. Úsase como sustituto da sal común para sazonar platos e tamén medicinalmente polo seu alto contido en iodo e magnesio.

Sabemos que aquí, moi cerquiña de nós temos as "Salinas de Ulló", en Vilaboa, unha construción que se remonta ao S.XVII.

Pero, sabemos  se hai ou non salicornia nesta incrible paraxe? Vamos ter que ir comprobalo "in situ". Sacade moitas fotos, vídeos, ... e logo contrastamos a información.
Desfrutade do paseo! Hai moito máis que ver!

lunes, 9 de octubre de 2017

SALICORNIA

Cuns alumnos tan activos,curiosos e bos investigadores, non é de estrañar que tódolos días xurdan novas preguntas. Nestos últimos días, un compañeiro, Lois, falounos dunha planta chamada "Salicornia", que polo visto crece en entornos salinos, úsase como aderezo para salgar a comida e tamén se pode comer.


Coñecedes algún outro dato desta curiosa planta?
Sabedes se no noso entorno a temos?