AZUCRE, POR QUE TANTO?

Que perigo no ENTROIDO!!!!

Cos riquísimos postres que hai na nosa gastronomía...!!!

Menos mal que se fan na casa con ingredientes moito máis naturais e con moito cariño.

Pero, ollo, ... con moderación!!!

Que lle fai o azucre ao noso corpo?

Caries, demanda vitaminas grupo B, resistencia insulina e diabetes tipo 2, adicción, inhibe sistema inmunolóxico, obesidade, colesterol, mala circulación, riscos cardiovasculares, relaciónase con algúns cancros, ...

(Máis RISCOS azucre)

"O azucre xera adicción", esta é a impactante conclusión dun estudo británico (ABC-11/2/2014).

O azucre está presente na maior parte dos alimentos que consumimos a diario e en xeral en cantidades moito maiores das necesarias. Se as sumamos, ao longo dun día, excedemos con moito as cantidades diarias recomendadas.

Consultade as etiquetas dos alimentos que tomades ao longo dun día e sumade. 

Canto azucre consumides diariamente?

A Organización Mundial da Saúde (OMS) aconsella que non máis dun 10% das calorías totais da nosa dieta sexan en forma de azucre (en grupos de risco - 5%). Se 1 gr. de azucre ten 4 calorías, suporía non máis de 50 gr. de azucre ao día (menos como prevención).

(Azucre en alimentos)

Escoita o que nos contaban xa no 2014:

Vídeo "Azucre nos alimentos" - TVE (26/6/14)

NOVAS CIENCIA 5

A aeronáutica galega e os efectos da dopamina no noso cerebro

Bo ENTROIDO para tod@s!

CIENCIA E SALTO DE ALTURA

Por se tiñades dúbidas, o deporte é moi científico. 

Calquera disciplina deportiva, intenta aproveitar ao máximo tódolos avances científicos que se producen: Na súa preparación física (fisioloxía, nutrición, ...), nas súas distintas técnicas (principios físicos), ...

 Atentos ao vídeo. Logo xa nos diredes cantas Leis Físicas e grandes Científicos nomea....

UNHA SERPE NO CAMIÑO 2

Xa temos algunhas pistas sobre a nosa preciosa serpe, pistas importantes para ser quen de distinguir entre unha serpe velenosa e unha que non o é: 

(Se clicades nas imaxes iredes ás páxinas de onde sacamos a información e as imaxes)

1. Cabeza: A maior parte das serpes velenosas teñen cabeza triangular.

A nosa ten cabeza redondeada

2. Cores: Moitas serpes velenosas teñen cores chamativas e brillantes.

A nosa ten cores uniformes e oscuros por arriba e claros por debaixo.

3. Ollos: A maior parte das serpes velenosas teñen pupila vertical.

A nosa ten pupila redonda

4. Cola: A maior parte das serpes velenosas teñen unha cola máis curta e grosa, con unha soa fila de escamas.

A nosa todavía non a observamos con tanto detemento.

Hai moitas outras pistas que nos permiten distinguir unha culebra dunha víbora...

Coñecedes algunha outra pista que poidamos investigar e nos permita averiguar de que serpe se trata?

MUNCYT E AQUARIUM: A CORUÑA

Este pasado mércores día 15 de febreiro, o alumnado do Ceip Santo Paio de Abaixo de 6º, 5ºA e infantil de 4 e 5 anos fomos a cidade de A Coruña para visitar os Museos: A Casa dos Peixes e o MUNCYT.
Na Casa dos Peixes chamounos moito a atención o tiburón touro Gastón, coa súa incrible mandíbula con 3 filas de dentes arriba e outras 3 abaixo; e os pulpos, que seica teñen 9 cerebros, 3 corazóns e sangre azul.

No Muncyt, encontrámonos con dous personaxes moi especiais: Marilú e Pepexán, uns robots moi simpáticos. O que máis nos impresionou foi o "Jumbo", boeing 747, Lope de Vega, un avión enorme, que transportou o Guernica de Picasso de volta a España; e por suposto a experimentación coas reaccións químicas coa vitamina C.

E para rematar a visita, subimos ao Monte de San Pedro, coas súas magníficas vistas, de onde se ve toda a cidade de A Coruña, e xogamos e compartimos todos xuntos un momento de ocio.

Pasámolo moi ben e aprendemos moitas cousas!

(Seguro que o apreciades nas fotos)

Se queredes coñecer máis sobre estos museos, visitade as súas páxinas tres artigos máis abaixo e animádevos a visitalos.

O curioso destas saídas é que aínda que aprendemos moitas cousas, todavía vimos con moitas máis dúbidas... Saberedes dicirnos...

Onde están situados os 9 cerebros e os 3 corazóns do pulpo?

Cantos dentes pode chegar a ter un tiburón Touro?

Cal é o tiburón coa mordida máis poderosa? 
Que outros alimentos teñen unha gran cantidade de vitamina C?

Alumnado 5ºA

UNHA SERPE NO CAMIÑO

 No camiño de Reboreda topamos esta pequena culebra.

 Bueno, tampouco era tan pequena....

PRECIOSA!

Por arriba oscura, parduzca, por debaixo, máis clara. Estaba morta e a recollemos. Non sabemos a que especie pertence, non sabemos tampouco se é ou non velenosa.

Seremos quen de averiguar que tipo de culebra é?

NOVAS CIENCIA 4

Ciencia e Método Científico

 Reaccións Químicas na Natureza

Galileo

Péndulo Armónico Simple (MAS)

Reacción Química: Oxidación Mazá

NOVAS CIENCIA 3

Oído interno dos sapos - Últimos terremotos en Italia

Pero, ... e que os sapos teñen oídos? Onde? 

... E poden sentir algo máis que a caída da chuvia? 

Poden predicir un seísmo?

UNHA SAÍDA MOI CIENTÍFICA

O próximo mércores 15 de febreiro temos previsto facer una saída á Coruña. Eso si, como non podía ser doutra maneira, una saída moi científica. Entrade nas súas webs e curioseade un pouquiño nas moitas iniciativas que ofertan a grandes científicos coma vós.

MUNCYT (Museo Nacional de Ciencia e Tecnoloxía)

Que,... descubristes algo interesante nas actividades que nos ofertan estos museos científicos?

CASA DOS PEIXES

CIENCIA EN GALEGO

A ciencia en Galiza está de noraboa. Dezasete equipos científicos das Universidades Galegas foron distinguidos pola Xunta como "Grupos de referencia competitiva" pola súa traxectoria e proxección internacional, despois de 3 décadas da mellor ciencia.

Estos son algúns dos proxectos distinguidos: 

• DETECCIÓN CANCRO
• PREVENCIÓN CEGUEIRA
• NANOLÁMPADAS MEDICINA
• BIOESTADÍSTICA
• BIOMEDICINA
• TECNOLOXÍA ENERXÉTICA
• XEOINFORMÁTICA
• NANOMATERIAIS

NOVAS CIENCIA 2

Movementos sísmicos no Teide-Nenos polo Cancro-Recuperando especies

CÉLULAS NERVIOSAS: NEURONAS

Acabamos de descubrir que no noso ENCÉFALO temos ao redor duns 100.000.000.000 de neuronas (10¹¹).
Pero,... 
Que é unha NEURONA?

As neuronas son unhas células especializadas que forman o sistema nervioso. Transmiten o impulso nervioso.

Sabedes que outras cousas descubrimos:

• Que máis importante que o número de neuronas é a forma en que estas interactúan entre si.
• Que existen distintos tipos e que realizan distintas funcións.
• Que os lugares onde as neuronas se conectan unhas coas outras chámanse espacios sinápticos.
• O número de neuronas varía en función da idade: Os bebes teñen maior número de neuronas que os adultos.
• Os demáis animais tamén teñen neuronas: Abella-960.000; ra-16.000.000; gato-300.000.000: chimpancé-6.200.000.000; elefante africano-11.000.000.000.
• Que un dos máis prestixiosos científicos da nosa época, Stephen Hawking, padece unha enfermidade dexenerativa destas células nerviosas (ELA: esclerosis lateral amiotrófica).

(Película recomendada: "La teoría del todo")