E agora .... SI... 

VÍDEO 9: CONSTRUCIÓN DE BARCOS

Uxía e Anxo entrevistaron a Marcos, o pai de Uxía, sobre o seu traballo, a construción de barcos, un sector moi importante na economía da zona.

Un vídeo Superchulo!

Grazas ao papá de Uxía pola súa colaboración!

E vós que coñecedes dos barcos? ... Sabedes por exemplo que tipo de navíos levou Cristobal Colón a América?

VÍDEOS 8: O LAGARTO OCELADO

Antón e Lucas fálannos hoxe do lagarto ocelado, un incrible e precioso animal.

Bo traballo!

Coñecedes algunha outra especie de lagarto da nosa zona?

VÍDEOS 7: ELECTRICIDADE

Mara e Lucía entrevistaron ao pai de Lucía, David, sobre o seu traballo, instalador electricista, fundamental en todos os nosos fogares.

(Vídeo elaborado por Mara e Lucía)

Xenial chicas!

MOITAS GRAZAS papá de Lucía!

E vós, ... A que vos queredes adicar de maiores?

VÍDEOS 6: CIENCIAS POLÍTICAS

Paula e Carla entrevistaron ao padriño de Paula, Victor, que estudou Ciencias Políticas, e faloulles sobre o funcionamento dun Concello.

Boa entrevista!!
MOITAS GRAZAS Victor!!!

Coñecedes o nome do Alcalde de Redondela?

VÍDEOS 5: DRUIDAS

Lucía, Sheyla e Valentina continúan falándonos do grupo de rock pontevedrés "Druidas" e aproveitan para falarnos da acústica e da mitoloxía.

Fantástico chicas!

Xa falamos de quen eran os Druidas na mitoloxía Celta, pero... seredes quen de dicirnos que alfabeto utilizaban?

VÍDEOS 4: SERPES VELENOSAS

David e Jorge elaboraron un vídeo chulísimo sobre estos fascinantes réptiles: AS SERPES.

Magnífico chicos!

Saberedes dicirnos a que se debe o nome científico da Cobra Real (Ophiophagus)?

VÍDEOS 3: QUE PASARÍA SE ...

...A TERRA NON XIRASE?

Hugo e Lois volo contan neste vídeo que elaboraron eles soiños.

Bo traballo chicos!!!

Poderemos axudar a que esto non suceda????

VÍDEOS 2: O TIBURÓN MEGALODÓN

Temos devoción polo tiburón megalodón. É xa o segundo artigo que facemos. Nesta ocasión Raúl e Izan nos ilustran.

 Fantástico!

Pero, ... credes realmente que este incrible animal prehistórico sigue existindo hoxe en día?

VÍDEOS 1: TRABALLO COA MADEIRA

Antía e Andrea entrevistaron ao pai desta última que é Carpinteiro.

 Prestade moita atención. É moi interesante.

Que grandes entrevistadoras!!!

MOITAS GRAZAS PAPÁ DE ANDREA!

e VÓS ... Saberedes dicirnos cal é a madeira máis dura e densa deste planeta??

FORMIGAS

Antón contounos sobre o seu pequeno terrario de formigas.

Por que ... ahí onde as vedes, as formigas son uns pequenos seres incribles, e ollo!... Aínda que se coñecen unhas 14.000 especies, crese que pode haber ata unhas 22.000, o que supón unha estimación aproximada de entre 1.000 e 10.000 billóns de formigas no planeta.

E sabedes a que pode deberse o seu éxito como especie?

LORIS

Anxo e Hugo faláronnos do LORIS.

Loris esbelto vermello (loris tardígradus) é unha especie de primate, natural das selvas tropicais de India e Sri Lanka. De hábitos nocturnos. Aliméntase de lagartixas, ovos, insectos, pequenos invertebrados e follas. O seu tamaño vai dende os 17 aos 26 cm, cun peso aproximado entre 85-350 gr. 

Dos poucos primates que teñen unha mordida velenosa....!!!!

Sabedes onde teñen realmente o veleno?

E como é que funciona?

EN PERIGO DE EXTINCIÓN!!!!

O CASTELO DE SOUTOMAIOR

Calquera que veña pola zona, non pode marchar sen dar unha visita a este fermoso castelo. Un auténtico castelo de conto. Paula foi de visita e viu entusiasmada. Encantoulle!. E por suposto documentouse para contarnos un pouco da súa visita.

Castelo medieval de aproximadamente o S.XII, no que conflúen distintos estilos arquitectónicos, dende o románico primitivo, ata o neogótico do S.XIX, que pode apreciarse nos seus arcos apuntados.

"Contan as lendas, que os Reis Católicos, mandaron rebaixar a altura do torreón, uns metros, pois era máis alto, que o seu."

Se todavía non o coñecedes, non sei a que esperades.

Xa nos contaredes se descubrides algunha lenda, ... sobre este castelo de conto.

Páxina recomendada por Paula:

Galiciamáxica