jueves, 29 de diciembre de 2016

OS APOLOS E A ROBÓTICA

Recordades aos Apolos? Si aqueles nenos e nenas da aula de 5 anos que nos visitaron ao principio de curso para ver os nosos recunchos. Pois foron eles agora os que nos invitaron a ver o seu traballo. E foi incrible: Comezamos a fabricar un brazo robótico, construimos un robot con materiais reciclados, tentamos ensamblar un robot solar, traballamos con linguaxe de programación nun xogo, ... 

ROBÓTICA
Non podiamos crer o moito que nos ensinaron. 
En verdade teñen 5 anos?
Moi ben Apolos! 
E por se esto fora pouco... aínda nos fixeron un agasallo: UN ROBOT (que agora teremos que montar...%$?¿"$%&... seremos quen?)
Moitas Grazas!

martes, 27 de diciembre de 2016

TABLETS NA ESCOLA??

Durante estos últimos 20 días do trimestre tivemos a sorte de contar cunha maleta con 5 tablets na aula, cedida en préstamo polo Cefore de Vigo (Centro de formación e recursos do profesorado), dentro da iniciativa "ConVigoTablets".
Era final de trimestre, moitos días festivos e coma sempre apurados de tempo nestas datas, entre probas, traballos, ... pero, conseguimos sacarlles algo de partido.
Investigamos, buscamos información, traballamos no noso blog e repasamos os contidos do trimestre co programa Kahoot. Vamos, de todo un pouco.
Foi unha experiencia moi gratificante! (e divertida)
Tentaremos que nola volvan prestar e así seguir aprendendo moito máis sobre as posibilidades educativas destos materiais.
Moitas Grazas!

lunes, 26 de diciembre de 2016

AS TIC´S NA EDUCACIÓN

Parece que estamos a xogar, non si?
Pois si, pero, non. Ao fin, o aspecto lúdico é moi importante en toda aprendizaxe.
O Currículo de Educación Primaria, dentro dos seus contidos, marca que o alumnado debe aprender a manexarse coas novas tecnoloxías: Búsqueda, selección, organización de información na rede; Manexo e tratamento de textos; Estratexias de acceso á información e traballo en rede; Recursos novas tecnoloxías; ...
Deberiamos entre todos concienciarnos e responsabilizarnos na medida na que a cada un lle toca, para ver en que forma debemos e podemos axudar e colaborar en que os nosos alumnos e alumnas, fillos e fillas, ... estén o mellor preparados posible para enfrentarse á Sociedade da Información e a Comunicación, que os espera ahí fora.
Seguro que podemos extraer algunha conclusión interesante das palabras de Francesc Pedró (Dtor. de Políticas Educativas e Desenvolvemento Docente da Unesco)

viernes, 23 de diciembre de 2016

O CALAMAR XIGANTE

Nome científico: Architeuthis
Consideradas criaturas míticas, son animais mariños de inmersión profunda, que acadan extraordinarias dimensións: recentes estimacións suxiren un máximo de 10 m para os machos e ata 14m para as femias. Especulouse sobre a existencia de exemplares de máis de 20 m de lonxitude e media tonelada de peso. Un dos maiores exemplares atopados foi unha femia de case 18m de largo, varado nunha praia de Nova Zelanda en 1887.
Os tentáculos, ubicados sobre a cabeza, chegan a medir de 2,5 a 6 veces a lonxitude do manto ao saco visceral e forman a maior parte da lonxitude corporal.
Lucía C.C. e Raúl C.B.
E non volo perdades... 
"Fotografían un calamar xigante vivo de 105 Kg na costa galega"
Clicade na imaxe para ler a nova

martes, 20 de diciembre de 2016

ARQUÍMEDES E O JUDO

Se lestes o blog da biblio, xa sabedes que a semana pasada visitáronnos dous entrenadores de Judo: Carlos e Adrián.
Pasámolo moi ben traballando con eles, pero, faláronnos dalgunhas cousiñas que tiñamos que investigar: Dos seus traxes, os agarres e o equilibrio, a forza e a enerxía, as palancas e os puntos de apoio, …
En concreto, topamos información moi interesante sobre os fundamentos das técnicas de Judo: Aproveitar a forza do contrario, aplicar a Lei da Palanca e lograr derríbalo aínda que a súa forza sexa maior.
Esta Lei da Física ten moitas aplicacións na práctica do Judo, xa sexa para proxectar, derribar, … buscando sempre o maior brazo de potencia, e dicir, aplicando a forza o máis lonxe do centro de gravidade ou do punto de apoio sobre o oponente ao realizar as distintas técnicas.

Lei da Palanca-Arquímedes S.III a. de C.: 
“Dádeme un punto de apoio e moverei o mundo”

Pero,… non son estas as únicas Leis da Física que se poñen en marcha cada vez que aplicamos unha técnica en Judo: 
(facede clic se queredes saber un pouco máis)

E aquí uns grandes deportistas aplicando as Leis físicas de
 Arquímedes e Newton
video
Alumnado 5ºA

domingo, 18 de diciembre de 2016

A LENTE MÁIS PEQUENA DO MUNDO


Durante moito tempo, creuse que a luz, como tódalas ondas, non podía ser enfocada en espazos máis pequenos que a súa lonxitude de onda.

Agora, investigadores da Universidade de Cambridge, xunto co Centro de Física de Materiais de San Sebastian, crearon a lente de aumento máis pequena do mundo, que enfoca a luz mil millóns de veces máis estreitamente, ata a escala de átomos individuais.


Os resultados abren novas formas de estudar a interacción da luz coa materia, o que posibilitaría aplicacións todavía por definir.
Lucía Casal e Carla

viernes, 16 de diciembre de 2016

O CHOCO 2

Canto nos gustou o vídeo do Choco....!!!
Tanto, que algúns seguiron investigando e traballando sobre el.
"A este animal pódeselle chamar de distintos xeitos: choco, sepia, xibia ou cachón, ... É un molusco cefalópodo. Acada os 30-40 cm de lonxitude. A concha ten forma de culler.Vive nos fondos dos mares pouco profundos, xeralmente entre herbas acuáticas e algas.
Desprázase mediante unha ondulación progresiva dos pliegues lateriais do manto. Ás veces tamén recurre á enerxía reactiva, expulsando o aire da cavidade paleal polo tubo do embude.
Atópase entre as especies comestibles. Aliméntase de pequenos moluscos, caranguexos, camaróns, peixes e outros da súa mesma especie. Mastica grazas ao seu pico triturador, usado outras veces como defensa de último remedio.
Utilizan distintos efectos cromáticos. Por exemplo: poden mimetizarse. Tamén poden xerar un estampado móvil que se despraza en dirección contraria ao seu desprazamento, o que provoca a desorientación dos seus depredadores."
ANTÍA
CLICA NA IMAXE PARA VOLVER VER O VÍDEO

martes, 13 de diciembre de 2016

WQ: ECOSISTEMAS - Resultado final

Moi ben!, temos que mellorar a posta en escena..., pero o traballo, FANTÁSTICO! 
Noraboa chicos e chicas!

domingo, 11 de diciembre de 2016

TELESCOPIO HUBBLE

Moi ben! Boa investigación!
En Abril do 2015, a banda granadina Lori Meyers gravou este tema "Telescopio Hubble", en exclusiva para National Geographic Channel, con motivo dos 25 anos do lanzamento do Telescopio Espacial Hubble.
Un pouco tarde, pero, ... 
Feliz Aniversario, Hubble!

Co lanzamento e posta en órbita deste telescopio o 24 de abril de 1990, por parte das axencias espaciais americana e europea (NASA e ESA), os científicos conseguiron eludir a distorsión da atmósfera, o que permitiu ver o Universo cunha claridade nunca lograda. Coas súas observacións, os astrónomos confirmaron a existencia de buratos negros, aclararon moitas das ideas do nacemento do Universo, revelaron novas galaxias, ...
Agora vemos o Universo con outros ollos!
Nebulosa do caranguexo (restos dunha Supernova)
Se queredes ver o noso Universo cos ollos do Hubble, facede clic na imaxe e vede algunha das súas incribles fotos.

jueves, 8 de diciembre de 2016

MÚSICA e CEREBRO

Todos sabemos que a música afecta ao noso estado de ánimo e provoca unha serie de sensacións. Pero, ... 
Sabemos como afecta a música ao noso CEREBRO?

En recentes estudos da Universidade de Florida, nos explican que a música desperta case tódalas zonas cerebrais, se cree incluso, que inflúe no desenvolvemento da intelixencia. Son moitos os beneficios que se lle outorgan, non en van, moitos dos xenios da nosa historia científica (Einstein), eran grandes apaixonados da música.
Pois, a desenvolver a intelixencia!!!
Aquí vos queda a canción (moi científica) : "Telescopio Hubble", interpretada pola banda granadina Lori Meyers. 
Seredes quen de averiguar...
 en homenaxe a que...
escribiron esta canción?


lunes, 5 de diciembre de 2016

"LENGUA" e "MARIPOSAS"

"A lingua das Bolboretas" é un relato realmente fermoso (e película despois) de Manuel Rivas que nos conta a relación dun neno co seu maestro, nun momento complicado da historia española.
E sin relación algunha, máis que polos protagonistas, estos grandísimos "Supercientíficos", que non só son "Super" nas Ciencias, fixeron este incrible traballo colaborativo sobre as bolboretas en resposta ao desafío que lles propuña o libro de "Lengua" e a súa Titora, a profe Tere. 
Extraordinario!

sábado, 3 de diciembre de 2016

1500 VIRUS OCULTOS EN MOSQUITOS E ARAÑAS

Un equipo de investigación internacional liderado dende Australia e China descubriron cerca de 1500 novos virus. O curioso non só é que o estudio amplía o catálogo de virus coñecidos, senón que tamén indica que éstos existiron durante miles de millóns de anos. 
A pesar de que algúns invertebrados portan virus que poden infectar aos seres humanos (como os mosquitos co Zika), os autores do estudio non consideran que estos virus representen un risco significativo, pero, tampouco pode descartarse por completo: "... Hai que ampliar a vixilancia de virus en invertebrados e a súa búsqueda para comprendelos mellor e predecir os posibles virus emerxentes. ..."
E agora, queredes ver como pica e nos chupa o sangue un mosquito? Prestade atención ao vídeo. 
A que non sabiades todo eso? Impresionantes estos mosquitos!
Andrea e Mara

jueves, 1 de diciembre de 2016

O UNIVERSO E O BIG BANG

Como se creou o UNIVERSO?
Segundo as teorías máis extendidas, o UNIVERSO  orixinouse hai uns 15.000 millóns de anos, debido a unha gran explosión de materia e enerxía, denominada BIG BANG, que provocou unha xigantesca nube de po e gas de elevada temperatura. Posteriormente esta inmensa nube foi enfriándose orixinando os diversos astros que forman o UNIVERSO. INCRIBLE!

E como saben os científicos que foi así?
Con múltiples experimentos, uns existosos e outros non tanto. Nalgúns deles recrearon o que puido ser a orixe de todo. 

Moi cerca de aquí, na fronteira suizofrancesa, temos o Acelerador de Hadróns LHC (Large Hadron Collider), construido a 100 m de profundidade, no que se realizan moitos destos experimentos. 

Neste acelerador de partículas fan que partículas subatómicas, afectadas por forzas nucleares fortes, (quarks, fermións, bosóns ou gluóns, protons e neutróns) aceleradas, choquen en sentidos opostos a case a velocidade da luz.

E agora intentade simular a gran expansión do Universo cun pequeno experimento. Clicade no enlace. Sorte! (Ollo...! co que provocades): 

viernes, 25 de noviembre de 2016

O CHOCO... ESPECTACULAR DOCUMENTAL

IMPRESIONANTE!
Acabamos de recibir de Lois un enlace a un documental incrible. 
Tedes que velo!
"O Festival de Cine Submarino de Vigo abriu a súa XXVI edición cun espectacular documental dirixido polos biólogos Manuel Garci Jorge Hernández Urcera. Trátase de ‘O choco: baixo as ondas da enseada de San Simón’. Esta curtametraxe recibiu o segundo premio no Festival de Cinema Submarino de Donosti no 2015. Cunha duración de 18 minutos, amosa a vida do cefalópodo e destaca a ría de Vigo como un ecosistema perfecto para a vida destes cefalópodos. Este traballo foi feito ao longo do ano 2013 e principios do 2014 e supuxo máis de cincuenta horas de gravación baixo a auga e moitísimas máis de preparación e montaxe.  ..."
http://www.gciencia.com/video/o-espectacular-documental-sobre-o-choco-da-ria-de-vigo/
GRAZAS LOIS! (e familia)!

jueves, 24 de noviembre de 2016

FROITOS OUTONO 2

FANTÁSTICO!
Pois si que investigastes...! No blog, na libreta de campo, ... 
Moi ben!
Pero, como xa falamos... Cando se pode considerar que un produto, froita, cultivo, especie, ... é autóctono dun lugar?
Canto tempo debe pasar dende que se implante o seu cultivo ata que  se poida dicir que é autóctono?
Por riba, ante os últimos achados arqueolóxicos, hai moita controversia ao redor da orixe, procedencia, datas, ... de moitas destas froitas.
Ben sabemos que hai especies que se levan cultivando na península, en Galicia, dende a época dos Fenicios, Cartaxineses, Gregos, Romanos, ... En estos casos, podemos dicir entón que 2000 anos é tempo dabondo para considerar un cultivo autóctono?
En cambio outros só levan 400-500 anos, ou menos, 100-200 anos, dende a súa chegada e cultivo.

E sabendo como sabemos, que a introdución de especies animais pode alterar os ecosistemas. Sucede o mesmo coas especies vexetais? Coñecemos algún exemplo?

viernes, 18 de noviembre de 2016

FROITOS DO OUTONO

Podería parecer que o outono, coa caída da folla e o murchar das árbores, fora unha estación onde non tiveramos froita de tempada. Nada máis lonxe da realidade. Son moitas as froitas típicas destas datas: Castañas, noces, avelás, améndoas, uvas, cabazas, feixoas, peras, granadas, mandarinas, figos, membrillos, caqui, tamarillos, .... Froitos secos uns e carnosos os outros. 
Pero, ... 
Son todos eles típicos ou autóctonos das nosas terras?

Saberíades dicirnos cal é a procedencia de algúns deles?

lunes, 14 de noviembre de 2016

SUPERLÚA 14 NOVEMBRO


Pois si, polo visto hoxe hai unha SUPERLÚA, a máis grande e brillante rexistrada nos últimos 70 anos.
E POR QUE ACONTECE ESTO?
Pois, parece ser, segundo as estimacións da NASA (Administración Nacional de Aeronáutica e do Espacio dos EEUU), que as lúas cheas destes outubro, novembro e decembro teñen lugar cando a lúa está no seu "perixeo"(punto máis preto de aproximación na súa órbita ao redor da Terra). 

Nesta posición o noso satélite aparecerá un 14% máis grande e un 30% máis brillante no ceo. 

Este 14 de novembro espérase que a lúa chegue ao máximo da súa fase completa durante a tarde, sobre as 13:52 h., pero aparecerá chea ao observador no día antes e despois do evento.
Por se hai nubes, chove, ... e non se pode ver o ceo, aquí vos deixamos un enlace para poder ver a Superlúa en directo: SKY-LIVE.TV

sábado, 12 de noviembre de 2016

QUE PASA COA LÚA?


Parece ser que este luns 14 de novembro hai lúa chea. Pero, saberedes que ten esta lúa de especial?

miércoles, 9 de noviembre de 2016

MARTE


Marte é o cuarto planeta en orden de proximidade ao Sol e o segundo máis pequeno do noso Sistema Solar. Coñecido como o planeta vermello é o planeta interior máis alonxado do Sol. É un planeta telúrico (rochoso, formado por silicatos) cunha atmosfera delgada de dióxido de carbono. Marte ten dous satélites: Fobos e Deimos, e é facilmente observable dende a Terra.
Por que nos resulta tan interesante?

Aínda que Venus é o planeta máis cercano á Terra, a posible existencia de auga en MARTE é un dos maiores descubrimentos da historia da NASA, que da pé a pensar que pode haber non só líquido no Planeta Vermello, se non tamén vida.

 
MARTE
Satélites - 2
Diámetro - 6794,4 Km
Periodo Rotación - 24h 37m 22s
Tª: mínima= -87ºC /media= -46ºC / máxima= 20ºC


SHEYLA E DAVID


Aquí vos deixamos tamén o vídeo interactivo da Nasa onde poderedes vós mesmos orientarvos co rato no planeta vermello. A ver que sodes capaces de descubrir?

martes, 8 de noviembre de 2016

RESOLVENDO DÚBIDAS

1. Punto máis occidental de Oceanía?
Illa Dirk Hartog (Na bahía Shark): 25º 50´ 00´´ latitude sur; 113º 05´ 00´´ lonxitude leste.
2. Punto máis septentrional de España?
Cabo Estaca de Bares (Estaquín e Sigüelos): 43º 47´ 38´´ latitude norte; 7º 41´ 16´´ lonxitude oeste.
3.a. Punto máis occidental da España peninsular? (que non era Finisterre)
Cabo Touriñán: 43º 03´ 11´´ latitude norte; 9º 17´ 56´´ lonxitude oeste.
3.b. O punto máis occidental do territorio español?
Punta de la Orchilla (Illa de "El Hierro" - Gran Canaria): 27º 42´ Latitude Norte; 18º 09´ Lonxitude Oeste.

4. Nome do insecto que trouxo Antón?
Nome científico: Gryllotalpa gryllotalpa. Grilo ceboleiro, alacrán ceboleiro, ralo, relo, ... (grillotopo en castelán). Insecto de aspecto acorazado e robusto que só é perigoso para as raíces das plantas das que se alimenta. Compensa este dano nos cultivos devorando tamén numerosas larvas de insectos nocivos.
Averiguastes máis cousiñas sobre este animaliño???

viernes, 4 de noviembre de 2016

TEMAS PENDENTES

Seguro que recordades que temos unha preguntiña por ahí sen resolver. 
Sabiamos cal era o punto máis meridional de América: 
O islote Águila, no arquipélago das illas Diego Ramírez, nas coordenadas 56º 32´ 15´´ Latitude Sur, 68º 43´ 10´´ Lonxitude Oeste.
Pero, ...
1. Sabemos xa Cal é o punto máis occidental de Oceanía e as súas coordenadas?
E xa postos...
2. Seriamos quen de averiguar cal é o punto máis Septentrional de España e cales as súas coordenadas?
3. ...E o punto máis occidental de España e as súas coordenadas?
4. ... E cambiando de tema... Que animaliño era o que nos trouxo Antón estos días? (deixovos unha foto para que o recordedes)
Cantas dúbidas!!!!!!!!!!!

sábado, 29 de octubre de 2016

A XOGAR COAS COORDENADAS XEOGRÁFICAS

Como sei que estades desexando coñecer moito máis a fondo todo este mundo que nos rodea, deixovos aquí un enlace onde poder curiosear sobre: O Universo, A Terra, Cartografía (mapas e planos) e sobre o noso país.
Despois de que curioseedes un pouquiño e vos empapedes de todos esos datos, pasádevos polo módulo 3, Cartografía, no apartado 3.3 atoparedes uns xogos moi divertidos cos que ademáis aprenderedes moito sobre coordenadas xeográficas. 
Quen atopará o pozo envelenado?
Quen conseguirá elaborar o croquis?
Quen evitará tódalas minas?

Facede clic na imaxe
Nos outros módulos tamén hai xogos, pero, antes de xogar, informádevos ben e así acadar a máxima puntuación.
Disfrutade do "Finde"!!!
(E estudiade un pouquiño...)

jueves, 27 de octubre de 2016

A PROPÓSITO DO COMENTARIO DE LOIS

SHUBHAM BANERJEE: INVENTOR



O neno de 12 anos que fabricou unha impresora Braille

Shubham Banerjee iniciou o seu proxecto aos 12 anos con pezas de Lego e software libre que descargou de internet.
Sin lugar a dúbidas unha gran idea para axudar a persoas invidentes que non poden finaciarse este tipo de material.


INCRIBLE!!!!!
Despois de ver este vídeo e os vídeos do que están a facer os Apolos cos seus pequenos robots está claro que queremos facer algo de robótica. Teremos que pensar algo.... 
A vós que se vos ocorre?

lunes, 24 de octubre de 2016

24 DE OUTUBRO: Que gran día!

Pois si. Ademáis do nacemento da profe, de que se celebra o día das Bibliotecas Escolares, ... 
Sabedes quen máis naceu tal día coma hoxe hai 384 anos? 
Unha pista: Está moi relacionado co que estamos a traballar en ciencias da natureza.

Antoni Van Leeuwenhoek

E quen era e que fixo este home?
Algúns xa o sabedes por que investigastes algo sobre el cando buscabamos información sobre a célula.
Pois pode dicirse que A.V. Leeuwenhoek é o pai da microbioloxía moderna. Con 20 anos atopou un rudimentario microscopio dunha soa lente con capacidade de 3x (aumentos) e non puido resistirse a observar ao seu través. Seguramente foi a primeira persoa en  ver bacterias e microorganismos. Foi o precursor do diseño e construción de infinidade de lentes e microscopios.
Vedes como era o seu microscopio?
E como evolucionaron dende entón?

Para saber máis: