QUE ANDADES FACENDO?? EXPERIMENTANDO....?

Por aquí quedamos..., recordades?

E vós que andades facendo?

Fixestes algún novo descubrimento?

OSIÑOS GOMINOLA 2

QUE ACONTECEU COS OSIÑOS?

1º Foron perdendo  a cor

2º Foron aumentando de tamaño

3º Pasadas 8 horas os osiños case duplicaban o tamaño inicial e comezaban a descompoñerse.

Por que sucedeu esto? 

Por que os osiños aumentaron de tamaño?

EXPERIMENTANDO CON OSIÑOS DE GOMINOLA

Que son realmente os osiños de gominola?

Basicamente están compostos de tres compoñentes: azucre, xarope de glucosa ou fructosa e xelatina.

Non hai moito publicabamos un artigo sobre o consumo de azucre e as súas terribles consecuencias.

http://experimentandocoaciencia.blogspot.com.es/2017/02/azucre-por-que-tanto.html

Que acontecerá entón se os introducimos dentro dun vasiño de auga?

Hipótese: 

• Os colorantes dilúense na auga
• Os osiños descompóñense
• Os osiños diminúen de tamaño
• Os osiños aumentan de tamaño

Coloca 1 osiño dentro dun vasiño de auga e vai observando cada hora aproximadamente o que acontece. Fai unha táboa de recollida de datos, para logo poder mostrar os teus resultados.

Ollo ao finalizar! Non nos pasemos co azucre!

RETO CIENTÍFICO: BUXAINA

1º Cun lapis, unha cartulina e uns céntimos, construimos unha buxaina.

2º Experimentamos, colocando os céntimos, primeiro no interior, logo no exterior.

Cando xira máis a buxaina?

3º En función dos resultados,... 

Que podería facer para que todavía xire máis tempo?

Agora que tan de moda está o "spinner", serás quen de construir o teu propio aparello xiratorio, buxaina en este caso?

(moito máis enxebre...)

MUNCYT E AQUARIUM: A CORUÑA

Este pasado mércores día 15 de febreiro, o alumnado do Ceip Santo Paio de Abaixo de 6º, 5ºA e infantil de 4 e 5 anos fomos a cidade de A Coruña para visitar os Museos: A Casa dos Peixes e o MUNCYT.
Na Casa dos Peixes chamounos moito a atención o tiburón touro Gastón, coa súa incrible mandíbula con 3 filas de dentes arriba e outras 3 abaixo; e os pulpos, que seica teñen 9 cerebros, 3 corazóns e sangre azul.

No Muncyt, encontrámonos con dous personaxes moi especiais: Marilú e Pepexán, uns robots moi simpáticos. O que máis nos impresionou foi o "Jumbo", boeing 747, Lope de Vega, un avión enorme, que transportou o Guernica de Picasso de volta a España; e por suposto a experimentación coas reaccións químicas coa vitamina C.

E para rematar a visita, subimos ao Monte de San Pedro, coas súas magníficas vistas, de onde se ve toda a cidade de A Coruña, e xogamos e compartimos todos xuntos un momento de ocio.

Pasámolo moi ben e aprendemos moitas cousas!

(Seguro que o apreciades nas fotos)

Se queredes coñecer máis sobre estos museos, visitade as súas páxinas tres artigos máis abaixo e animádevos a visitalos.

O curioso destas saídas é que aínda que aprendemos moitas cousas, todavía vimos con moitas máis dúbidas... Saberedes dicirnos...

Onde están situados os 9 cerebros e os 3 corazóns do pulpo?

Cantos dentes pode chegar a ter un tiburón Touro?

Cal é o tiburón coa mordida máis poderosa? 
Que outros alimentos teñen unha gran cantidade de vitamina C?

Alumnado 5ºA

O UNIVERSO E O BIG BANG

Como se creou o UNIVERSO?

Segundo as teorías máis extendidas, o UNIVERSO  orixinouse hai uns 15.000 millóns de anos, debido a unha gran explosión de materia e enerxía, denominada BIG BANG, que provocou unha xigantesca nube de po e gas de elevada temperatura. Posteriormente esta inmensa nube foi enfriándose orixinando os diversos astros que forman o UNIVERSO. INCRIBLE!

E como saben os científicos que foi así?

Con múltiples experimentos, uns existosos e outros non tanto. Nalgúns deles recrearon o que puido ser a orixe de todo. 

Moi cerca de aquí, na fronteira suizofrancesa, temos o Acelerador de Hadróns LHC (Large Hadron Collider), construido a 100 m de profundidade, no que se realizan moitos destos experimentos. 

Neste acelerador de partículas fan que partículas subatómicas, afectadas por forzas nucleares fortes, (quarks, fermións, bosóns ou gluóns, protons e neutróns) aceleradas, choquen en sentidos opostos a case a velocidade da luz.

E agora intentade simular a gran expansión do Universo cun pequeno experimento. Clicade no enlace. Sorte! (Ollo...! co que provocades): 

Experimento: "Como simular la gran expansión"

Hugo e Victor